Premyer Liqa: 2025/2026-cı illər mövsümü üçün 101 debüt – ARENA.AZ

Futbol üzrə Azərbaycan çempionatının (Premyer Liqa) 2025/2026-cı illər mövsümü 101 futbolçunun turnirdə debütü ilə əlamətdar olub.

Arena.az xəbər verir ki, onlardan 17-si yerli, 84-ü legioner statuslu futbolçudur.

“Qəbələ” və “Karvan”da daha çox – hərəsində 14 debüt gerçəkləşib. “İmişli” 13, “Kəpəz”, “Neftçi” və “Şamaxı” hərəyə 10 yeni oyunçuya Premyer Liqada ilk matça çıxmaq imkanı verib.

“Sumqayıt” 8, “Sabah” 7, “Qarabağ” 6, “Turan Tovuz”la “Araz-Naxçıvan” hərəyə 4 debütanta şans verib. “Zirə”də hamıdan az – cəmi 1 belə oyunçu meydana çıxıb.

12 klubdan yalnız 6-da yerli futbolçu debüt edib. “Qəbələ” bu göstəricidə liderdir – 5 oyunçu. “Şamaxı”da 4, “İmişli”də 3, “Kəpəz”lə “Karvan”ın hərəsində 2, “Sumqayıt”da 1 azərbaycanlı debüt şansı əldə edib.

Premyer Liqa klublarının debütant statistikası belədir:

Araz-Naxçıvan – 4 debüt (hamısı legioner)
Qəbələ – 14 debüt (5 yerli, 9 legioner)
Karvan – 14 debüt (2 yerli, 12 legioner)
İmişli – 13 debüt (3 yerli, 10 legioner)
Kəpəz – 10 debüt (2 yerli, 8 legioner)
Şamaxı – 10 debüt (4 yerli, 6 legioner)
Neftçi – 10 debüt (hamısı legioner)
Sumqayıt – 8 (1 yerli, 7 legioner)
Sabah – 7 debüt (hamısı legioner)
Qarabağ – 6 debüt (hamısı legioner)
Turan Tovuz – 4 debüt (hamısı legioner)
Zirə – 1 debüt (legioner)