BAKI, 13 may. TELEQRAF
Azərbaycan Kubokunda 2025/2026 mövsümünün qalibi mükafatlandırılıb.
Teleqraf xəbər verir ki, “Palms Sport Arena”da baş tutan həlledici görüşdə “Sabah” “Zirə”ni 2:1 hesabı ilə məğlub edib.
Görüşün ardından “Zirə” gümüş, “Sabah” isə qızıl medallarla mükafatlandırılıb.
Mükafatlandırma mərasimində AFFA-nın prezidenti Rövşən Nəcəf, baş katibi Cahangir Fərəcullayev və Peşəkar Futbol Liqasının texniki-idman direktoru Elgiz Abbasov iştirak ediblər.
Mərasimin sonunda “Sabah” komandasına kubok AFFA-nın prezidenti Rövşən Nəcəf tərəfindən təqdim olunub.
