Luis de la Fuente – 2025-ci ilin ən yaxşı baş məşqçisi! – ARENA.AZ

İspaniya yığmasını çalışdıran Luis de la Fuente Beynəlxalq Futbol Tarixi və Statistikaları Federasiyası tərəfindən ilin ən yaxşısı elan edilib.

Arena.az xəbər verir ki, bu barədə Beynəlxalq Futbol Tarixi və Statistikaları Federasiyası (IFFHS) rəsmi saytı vasitəsilə məlumat yayıb.

Qurum milli komandalar üzrə 2025-ci ilin ən yaxşı baş məşqçisini açıqlayıb. Bu ada ispaniyalı mütəxəssis layiq görülüb. 64 yaşlı məşqçi 136 xalla birinci olub.

Portuqaliya yığmasının baş məşqçisi Roberto Martines 83 xalla ikinci yeri tutub. İlk “3-lüy”ü 59 xalla Argentina yığmasından Lionel Skaloni qapayıb.

Bütövlükdə 10 məşqçinin yer aldığı siyahı ilə sizi də tanış edirik:

1. Luis de la Fuente (İspaniya) – 136
2. Roberto Martines (Portuqaliya) – 83
3. Lionel Skaloni (Argentina) – 59
4. Stol Solbakken (Norveç) – 48
5. Tomas Tuxel (İngiltərə) – 41
6. Didye Deşam (Fransa) – 30
7. Valid Reqraqi (Mərakeş) – 25
8. Timur Kapadze (Özbəkistan) – 10
9. Nestor Lorenso (Kolumbiya) – 10
10. Xavyer Aqirre (Meksika) – 8.