“Sabah” 20-ci darmadağına sevindi

Premyer Liqada mübarizə aparan “Sabah” komandası futbol üzrə Azərbaycan yüksək dəstəsində 20-ci böyükhesablı qələbəsini qazanıb.

Arena.az bu barədə Peşəkar Futbol Liqasının (PFL) rəsmi saytına istinadən xəbər verir.

Paytaxt təmsilçisinin yubileyi Azəraycan Premyer Liqasının 2025/2026-cı illər mövsümünün 17-ci turuna təsadüf edib. “Bayquşlar” “Karvan”la ev oyununda 4:1 hesabı ilə qalib gəliblər.

Bu, Bakı klubunun yüksək dəstədə 20-ci böyükhesablı qələbəsidir. Paytaxt təmsilçisi 11 dəfə evdə, 9 dəfə səfərdə üç və ya daha çox top fərqi ilə qalib gəlib.

“Sabah” 20 və ya daha çox oyunda belə qələbə qazanan 15-ci komandadır. Onlar bu göstəricidə “ANS-Pivani”yə çatıblar.

Qeyd edək ki, “bayquşlar”ın ilk belə qələbəsi 2019-cu il sentyabrın 29-na təsadüf edir. Həmin gün “Səbail”lə ev matçında 3 cavabsız qol vurulub.