ÇL: “Liverpul” – “Qarabağ” matçı Krujlyaka tapşırıldı – ARENA.AZ

UEFA Çempionlar Liqasının (ÇL) Liqa mərhələsinin 8-ci turu çərçivəsində keçiriləcək “Liverpul” – “Qarabağ” matçının hakimləri bəlli olub.

Arena.az bu barədə UEFA-nın rəsmi saytına istinadən xəbər verir.

İngiltərədə baş tutacaq bu matçı slovakiyalı İvan Krujlyak idarə edəcək. Ona yan xətt hakimləri Branislav Hansko və Yan Pozor kömək edəcəklər. Dördüncü hakim funksiyasını Peter Kraloviç yerinə yetirəcək.

VAR-da Niderlanddan olan Pol van Bokel, AVAR-da isə Belçikanı təmsil edən Yan Boterberq əyləşəcəklər.

Xatırladaq ki, “Liverpul” – “Qarabağ” oyunu yanvarın 28-dən 29-na keçən gecə baş tutacaq. Matça Bakı vaxtı ilə saat 00:00-da start veriləcək.

İngiltərə çempionu ÇL-in Liqa mərhələsinin yarış cədvəlində 15 xalla 4-cü pillədə qərarlaşıb. Azərbaycan çempionu isə 10 xalla 18-cidir.