Yüksək Liqa: “Azərreyl” də uduzdu, “Abşeron” da

Voleybol üzrə Azərbaycan çempionatında (Yüksək Liqa) bu gün 2025/2026-cı illər mövsümünün növbəti oyunları keçirilib.

Arena.az xəbər verir ki, qadınların yarışında iki təxirə salınmış görüş baş tutub.

7-ci turdan təxirə salınmış matçda “Milli Aviasiya Akademiyası” “Gənclər”lə qarşılaşıb. “Milli Aviasiya Akademiyası”nın idman zalında baş tutmuş görüş meydan sahiblərinin asan qələbəsiylə yekunlaşıb.

2-ci turdan təxirə salınmış qarşılaşmada isə UNEC “Abşeron”u qəbul edib. UNEC voleybol komandasının idman zalında keçirilmiş bu görüşdə də meydan sahibləri qələbə qazanıblar.

Bu gün həm də kişi voleybolçuların birinciliyində 9-cu tura start verilib. Fövqəladə Hallar Nazirliyinin idman zalında “Ordu” ilə qarşılaşan “Azərreyl” 1:3 hesabı ilə uduzub.

Yüksək Liqa
12 yanvar

Qadınlar

7-ci turdan təxirə salınmış oyun

“Milli Aviasiya Akademiyası” – “Gənclər” 3:0 (25:18, 25:14, 25:12)
“Milli Aviasiya Akademiyası” Voleybol Komandasının idman zalı.

2-ci turdan təxirə salınmış oyun

UNEC – “Abşeron” 3:0 (25:15, 15:18, 25:14)
UNEC voleybol komandasının idman zalı.

Kişilər

9-cu tur

“Azərreyl” – “Ordu” 1:3 (16:25, 23:25, 25:16, 22:25)
Fövqəladə Hallar Nazirliyinin idman zalı.