Ukrayna münaqişəsinin tənzimlənməsi ilə bağlı hazırlanan planın həyata keçirilməsində Rusiya açıq şəkildə prosesin ayrılmaz hissəsidir.
APA xəbər verir ki, bunu ABŞ dövlət katibi Marko Rubio Cenevrədə keçirilən danışqılardan sonra bəyan edib.
Onun sözlərinə görə, yekun sülh planı ABŞ Prezidenti Donald Tramp və Ukrayna Prezidenti Volodimir Zelenski tərəfindən təsdiqlənməlidir.
ABŞ dövlət katibi həmçinin qeyd edib ki, danışıqlarda əldə olunan irəliləyişi nəzərə alaraq, indiki nəticədən “tamamilə razıdır”.
