“Qəbələ” – “Turan Tovuz” oyununun hakimləri açıqlandı

Futbol üzrə Azərbaycan Premyer Liqasının 14-cü turundan təxirə salınmış “Qəbələ” – “Turan Tovuz” oyununun təyinatları açıqlanıb.

Arena.az bu barədə Peşəkar Futbol Liqasının (PFL) rəsmi saytına istinadən xəbər verir.

Bu gün baş tutacaq matçın baş hakimi Cavid Cəlilov olacaq. Ona yan xətt hakimləri Kamran Bayramov və Müslüm Əliyev kömək edəcəklər. Dördüncü hakim funksiyasını Əkbər Əhmədov yerinə yetirəcək. VAR-da FIFA referisi Əliyar Ağayev, AVAR-da Zeynal Zeynalov əyləşəcək.

Bu gün Qəbələ şəhər stadionunda təşkil ediləcək qarşılaşmaya saat 15:00-da start veriləcək.

Azərbaycan, Premyer Liqa
14-cü turun oyunu
24 fevral

“Qəbələ” – “Turan Tovuz”
Hakimlər: Cavid Cəlilov, Kamran Bayramov, Müslüm Əliyev, Əkbər Əhmədov.
VAR: Əliyar Ağayev.
AVAR: Zeynal Zeynalov.
Hakim-inspektor: Babək Quliyev.
AFFA nümayəndəsi: İlham Əliyev.
Qəbələ şəhər stadionu, 15:00.