Birləşmiş Millətlər Təşkilatının Qaçqınlar üzrə Ali Komissarlığı (BMT QAK) növbəti dəfə qonşu ölkələrdən əfqan qaçqınların məcburi deportasiyasına son qoymağa çağırıb.
Hafta.az-ın yazdığına görə, BMT QAK-ın Əfqanıstan üzrə nümayəndəsi Ərafat Camal iki ev sahibi ölkə ilə davam edən müzakirələr barədə deyib ki, onlar məcburi deportasiyaların qarşısını almaq üçün Pakistan və İranla danışıqlar aparırlar.
“Ümid edirik ki, onlar bu müzakirələrdə iştirak edəcəklər və geri qaytarılmalar daha nəzarətli, könüllü və hörmətli şəkildə həyata keçiriləcək. Bununla belə, biz həmişə hazır olmalıyıq. Müsbət tərəfi odur ki, komandalarımız və obyektlərimiz 2023-cü ildən bəri sərhədlərdə olub və BMT-nin digər tərəfdaşları ilə birlikdə buna cavab verməyə hazırıq. Biz artıq köməyimizi azaltmalı olduq və yardımımız azaldığı üçün beynəlxalq ictimaiyyətə bizi dəstəkləməyə çağırırıq”, - Camal deyib.
Bu arada qaçqınlar və repatriasiya naziri vəzifəsini icra edən UNAMA-nın humanitar yardım və məskunlaşma üzrə xüsusi nümayəndəsinin müavini İndrika Ratvatte, BMT QAK-ın Əfqanıstan üzrə nümayəndəsi Ərafat Camal və Beynəlxalq Miqrasiya Təşkilatının (BMqT) Əfqanıstandakı rəhbəri Mihyunq Parkla görüşərək geridönmə problemləri müzakirə edib.
Bu görüşdə qaçqınlar və repatriasiya naziri vəzifəsini icra edən Mövlavi Əbdül Kəbir İranla üçtərəfli görüşün zəruriliyini vurğulayıb.
Qaçqınların hüquqlarının müdafiəçisi Cuma Xan Poyel deyib: "İran tərəfindən əfqan miqrantların məcburi və genişmiqyaslı deportasiyasının intensivləşməsi əfqan qaçqınlar arasında narahatlıq və çətinlik dalğasına səbəb olub. Şübhəsiz ki, bu hərəkət miqrantların mehriban qonşuluq hüquqları və prinsipləri ilə bağlı bütün beynəlxalq konvensiyalara və sənədlərə ziddir".
Xatırladaq ki, İranın əfqan qaçqınlarını öz ərazilərindən çıxarmaq üçün təyin etdiyi müddətə cəmi 8, Pakistanın isə 1 gün qalıb.
