“Qarabağ” Marko Yankoviçlə bağlı “Panatinaikos”un növbəti təklifini də rədd edib.
İdmanxeber.az xarici mətbuata istinadən xəbər verir ki, Yunanıstan klubunun 30 yaşlı yarımmüdafiəçi ilə bağlı rəsmi müraciəti qəbul olunmayıb.
Son 3 mövsümdür Ağdam təmsilçisində çıxış edən monteneqrolu futbolçu bu mövsüm 20 oyunda 4 qol və 2 assist edib.
Onun klubla müqaviləsi 1,5 il sonra başa çatır.
Buna baxmayaraq, nəşr “Qarabağ” rəhbərliyinin Yankoviçin diqqətinin mümkün transferə yönəlməsindən narazı olduğunu və futbolçunun gələcəyinin hələ tam dəqiqləşmədiyini bildirir.
