Küveytin hava hücumundan müdafiə sistemləri ötən gün ölkənin hava sahəsinə daxil olan 3 ballistik raketi və 17 pilotsuz uçuş aparatını (PUA) zərərsizləşdirib.
AZƏRTAC yerli mediaya istinadla xəbər verir ki, bu məlumat Küveyt Müdafiə Nazirliyinin bəyanatında əks olunub. Müdafiə Nazirliyinin sözçüsü Səud əl-Atvan bildirib ki, İranın əl-Küveyt Beynəlxalq Hava Limanındakı yanacaq anbarını hədəf alması nəticəsində baş verən yanğın söndürülüb. Bundan başqa, səmada zərərsizləşdirilmiş raketin qəlpələri yaşayış binasına düşüb. Xəsarət alanlar olmayıb.
