İranın regionda hərbi eskalasiyanı daha da genişləndirdiyi barədə xəbərlər yayılıb.
Musavat.com xəbər verir ki, İran qüvvələrinin Bəhreyndə yerləşən BAPCO neft şirkətinin zavoduna zərbə endirdiyi bildirilir.
Məlumata görə, hücum yalnız enerji infrastrukturu ilə məhdudlaşmayıb. Eyni zamanda Fars körfəzində yerləşən ABŞ Hərbi-Dəniz Qüvvələrinin bazasına da hücum edildiyi barədə məlumatlar yayılıb.
Bununla yanaşı, İranın Birləşmiş Ərəb Əmirliklərini də yenidən atəşə tutduğu bildirilir. Yerli mənbələrə əsasən, Dubay və Əbu-Dabi səmasında hava hücumundan müdafiə sistemləri aktiv işləyir.
Şahidlərin sözlərinə görə, Əbu-Dabi hava limanı yaxınlığında güclü partlayış səsləri eşidilib.
Musavat.com
