ain.az, Reyting.az portalına istinadən məlumatı açıqlayır.
2025-ci ildə süni intellekt sahəsi təxminən əllidən çox sahibkarı milyarderə çevirib.
Reyting.az xəbər verir ki, "Crunchbase" nəşrinin yazdığına görə, sektora yatırımlar 200 milyard dolları keçməklə, qlobal vençur maliyyələşməsinin təxminən yarısını təşkil edib.
Bu mövzunu işıqlandıran "Forbes" jurnalı isə yazır ki, süni intellektin hesabına çox böyük sərvət toplayanlar təkcə süni intellekt modellərini yaradanlar deyil. Data nişanlanması, proqramçı sistemlər, cihazlar və infrastruktur qurucuları da süni intellekt bazarında xeyli gəlir əldə edə biliblər.
Məlumata görə, "Surge AI" şirkətinin qurucusu Edvin Çen 18 milyard, "DeepSeek" şirkətinin sahibi Lyan Venfenq 11,5 milyard və "Anthropic" şirkətinin həmtəsisçiləri bu sahədə kapital toplayan yeni milyarderlərin sırasındadır.
Ekspertlər bildirib ki, 2025-ci ildə əsas sual süni intellekt sahəsində gəlir "balonu"nun olub-olmaması deyil, əksinə, bazar tələbatı dolmamış hansı nişanların öncül yerləri tutacağı məsələsidir.
Mütəxəssislərin fikrincə, yaxın gələcəkdə süni intellektin milyarderə çevirdiyi iş adamlarının sayı artacaq.
Oqtay QORÇU
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
