Naxçıvan Muxtar Respublikası (MR) Sədərək rayonunda həyat yoldaşını öldürməkdə şübhəli bilinən şəxs saxlanılıb, cinayət işi başlanılıb
Xezerxeber.az xəbər verir ki, rayonun Dəmirçi kənd sakini, 1963-cü il təvəllüdlü Aləmzər Abbasovanın xəsarətlər alması barədə dekabrın 17-də rayon prokurorluğuna məlumat daxil olub.
Araşdırma zamanı həmin kəndin sakini, 1957-ci il təvəllüdlü Zakir Abbasovun A.Abbasovaya xəsarətlər yetirməsinə əsaslı şübhələr müəyyən edilib.
Faktla bağlı Sədərək rayon Prokurorluğunda Cinayət Məcəlləsinin 29,120.1-ci (qəsdən adam öldürməyə cəhd) maddələri ilə cinayət işi başlanıb.
Z.Abbasov şübhəli şəxs qismində tutulub.
İbtidai istintaq davam edir.
