Moderator.az saytından əldə olunan məlumata görə, ain.az məlumat yayır.
Aİ liderlərinin sammiti İttifaqın birliyini qoruyub saxlaya biləcəyini, yoxsa Trampın onu parçalamağa və Ukraynanın maliyyələşdirilməsini pozmağa qadir olub-olmadığını yoxlayacaq...
Avropa liderləri Brüsseldə keçiriləcək və Ukrayna üçün "təzminat krediti"nin taleyinin həll ediləcəyi əsas sammitdən əvvəl ABŞ-ın böyük və görünməmiş təzyiqi altındadırlar.
Moderator.az "UNİAN"-a istinadla xəbər verir ki, "Politico"nun məlumatına görə, Ukraynanın maliyyələşdirilməsi üçün istifadə edilən dondurulmuş Rusiya aktivləri ilə bağlı mübahisə, Avropada yeni dünya nizamı və ABŞ-ın görünməmiş təzyiqi ilə necə mübarizə aparmaq barədə dərin bir uçurumu üzə çıxarıb.
Vəziyyətlə tanış olan yüksək vəzifəli Aİ rəsmisi nəşrə bildirib ki, "Onlar bizi zəiflətmək istəyirlər".
Nəşr qeyd edib ki, Avropa Şurası bu həftə iki şey etməlidir. İlk növbədə, Ukraynanın maliyyələşdirilməsi məsələsində konkret nəticələrə ehtiyac var. Bununla belə, Avropa liderləri həmçinin bu məsələ ilə bağlı siyasəti Ağ Ev tərəfindən ciddi şəkildə pozulan AB-ni müdafiə etməlidirlər.
Almaniya kansleri Fridrix Merts bildirib ki, Aİ Ukrayna üçün maliyyələşdirmə razılaşmasına nail ola bilməsə, "gələcək illərdə ciddi şəkildə sarsılacaq".
Prezident Donald Tramp administrasiyasının rəsmiləri Avropa hökumətlərinə Ukraynanın maliyyələşdirilməsi üçün 210 milyard avroluq Rusiya aktivlərindən istifadə planını rədd etmələri üçün təzyiq göstəriblər. Müzakirələrdə iştirak edən dörd Aİ rəsmisi nəşrə bildirib.
"Aİ liderləri oktyabr ayında Brüsseldə görüşəndə Belçika buna qarşı çıxdığı üçün dondurulmuş vəsaitlərlə bağlı razılığa gələ bilmədilər. İki ay sonra məlum oldu ki, Aİ-nin problemi əslində Belçika deyil, Trampdır", - deyə nəşr yazıb.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
