Politico: “ABŞ Brüsselə misilsiz təzyiq göstərir”

AzVision.az xəbər verir ki, “Politico” nəşrinin məlumatına görə,dondurulmuş Rusiya aktivlərinin Ukraynanı maliyyələşdirmək üçün istifadəsi müstəvisində yaranan mübahisə Avropa İttifaqı (Aİ) daxilində yeni dünya düzəninə və Vaşinqtonun təzyiqinə necə cavab veriləcəyi ilə bağlı dərin ixtilafı üzə çıxarıb.

“Onlar bizi zəiflətmək istəyirlər”,- Aİ-nin məsələdən hali olan yüksək vəzifəli məmuru nəşrə deyib.

Bu həftə Avropa Şurası (AŞ) iki problemi həll etməlidir: Ukraynanın maliyyələşdirilməsində nəzərəçarpacaq nəticələrə nail olmaq və eyni zamanda Aİ-ni Ağ Evin Avropa siyasətinə təsir etmək cəhdlərindən qorumaq. Almaniya kansleri Fridrix Merts Ukraynanın maliyyələşdirilməsi ilə bağlı razılığa gələ bilməyəcəyi tərzdə, Aİ-nin uzun illər ərzində ciddi şəkildə zədələnəcəyi barədə xəbərdalıq edib.

Müzakirələrdə iştirak edən dörd Aİ məmurunun iddiasına görə, ABŞ prezidenti Donald Tramp administrasiyasının rəsmiləri Rusiyanın dondurulmuş 210 milyard avroluq aktivlərinin Ukraynaya dəstək məqsədilə istifadəsi planını rədd etmələri üçün Avropa hökumətlərinə təzyiq göstərib.

- Oktyabr ayında Aİ liderləri Brüsseldə görüşəndə Belçika buna qarşı çıxdığı üçün dondurulmuş vəsaitlə bağlı razılığa gələ bilmədilər. İki ay sonra məlum oldu ki, Aİ-nin problemi əslində Belçika deyil, Trampdır”,- qəzet yazır.

The Times:“Aİ iki həftə ərzində qərar verəcək”

Ovaxtdan bəri Avropa Komissiyası (AK) və Avropanın aparıcı ölkələri Belçikanın baş naziri Bart de Veveri “təzminat krediti”ni dəstəkləməyə razı salmağa çalışırlar. Rusiyanın dondurulmuş aktivlərinin əsas hissəsiBelçikada yerləşdirildiyindənde Veverin mövqeyi həlledici rol oynayır.

“Politico” bildirir ki, son bir həftə ərzində danışıqlar kəskin intensivləşib, lakin Aİ-nin yüksək rütbəli məmurlarından biri razılaşmanın şanslarının“yaxşılaşmadığını, əksinə pisləşdiyini” etiraf edib. Həmin məmur sammitdən əvvəl Brüsseldə keçirilən Aİ nazirlərinin toplantısındakı atmosferi təsvir edərkən“ağlamaq istəyirdim”ifadəsini işlədib.

“Politico” Kiyevə təcili pul lazım olduğuna diqqət çəkir: 2026-cı ildə ölkə 71,7 milyard avro məbləğində büdcə kəsiri ilə üzləşə bilər.

- Gələn ilin aprel ayına qədər maliyyələşməyə başlanmasa, Ukrayna dövlət xərclərini azalmalı olacaq ki, bu da mənəvi gücü və ölkənin özünü müdafiə etmək qabiliyyətini sarsıda bilər”, - “Politico” vurğulayır.

Xatırladaq ki, dekabrın 12-də Aİ Şurası Rusiyanın suveren aktivlərinin həmişəlik dondurulması barədə qərar qəbul edib. AK dekabrın 18-19-da keçiriləcək sammitdə Aİ ölkələrinin 210 milyard avroluq Rusiya aktivlərinin müsadirəsi barədə təşəbbüsünün qəbul olunacağına ümidlidir.Həmin vəsaitin 185 milyard avrosu Belçikadakı “Euroclear” depozitarisindəbloklanıb.

Sahil İsgəndərov
AzVision.az