Şimali Atlantika Alyansı (NATO) ölkələri Rusiyanın Polşa və Litva sərhədləri yaxınlığında keçirdiyi "Zapad-2025" təlimlərinə cavab verəcəklərini vəd ediblər.
"Cebheinfo.az" Oxu.Az-a istinadən xəbər verir ki, bu barədə "Politico" qəzeti məlumat yayıb.
Sentyabrın 12-dən 16-dək Rusiya-Belarus birgə "Zapad-2025" təlimləri keçiriləcək. Məlumata görə, Moskva NATO-nun qüvvələri ilə mümkün toqquşmalara hazırlıq üzərində işləyəcək.
"Biz NATO və Avropa İttifaqı (Aİ) sərhədləri yaxınlığında təlimlərə ciddi yanaşmalıyıq; həm qonşu ölkələr, həm də NATO-nun özü onları çox ciddi qəbul edir. Litva və müttəfiqlərimiz hazırdır, birləşib hadisələrin gedişatını diqqətlə izləyəcəklər", - deyə Litvanın müdafiə nazirinin müavini Tomas Qodlyauskas bildirib.
Xatırladaq ki, sentyabrın 5-də Polşanın Baş naziri Donald Tusk bildirib ki, respublika Rusiya-Belarus hərbi təlimləri "Zapad-2025"ə görə Belarusa qarşı xüsusi tədbirlər görəcək.
Tusk "Zapad-2025" təlimlərini Polşaya hücum üçün təlim hesab edir.
"Cebheinfo.az"
