40 yaşlı Ronaldo yenidən iş başında

Portuqaliya millisinin DÇ-2026-nın seçmə mərhələsində Ermənistan və Macarıstanla oyunlar üçün heyəti açıqlanıb.

Yığmanın heyətinə “Əl-Nəssr”in Kriştiano Ronaldo da daxil edilib. Qeyd edək ki, 40 yaşlı hücumçusu milli komandada 221 oyuna 138 qol vurub. İtaliya A seriyasının ilk turunun “Kremoneze” ilə oyununda (1:2) zədələnən “Milan” oyunçusu Rafael Leao iştirak ərizəsindən kənarda qalıb.

Xatırladaq ki, Roberto Martinesin komandası DÇ-2026-nın seçmə mərhələsi çərçivəsində Ermənistanla sentyabrın 6-da və Macarıstanla sentyabrın 9-da qarşılaşacaq. Hər iki oyun səfərdə olacaq.