Gecə saatlarında Ukrayna ordusu Kursk AES-ə PUA-larla hücum edib.
"Ölkə.az" xəbər verir ki, bu barədə “Reuters” rusiyalı rəsmilərə istinadla məlumat yayıb.
Məlumata görə, Kursk AES-ə hücumdan sonra stansiyanın transformatoru zədələnib və üçüncü enerji blokunun gücü 50% azalıb.
Stansiyanın mətbuat xidmətindən verilən məlumata görə, hücum nəticəsində baş verən yanğın söndürülüb, xəsarət alan yoxdur.
Stansiya və ətraf ərazilərdə radiasiyanın səviyyəsi normanı keçməyib.
