Misli Premyer Liqasının I turunda "Sumqayıt" "Kəpəz"lə üz-üzə gəlib.
Bizim.Media xəbər verir ki, Sumqayıt şəhər stadionunda baş tutan matç ev sahiblərinin 3:0 hesablı qələbəsi ilə bitib.
"Gənclik şəhəri" təmsilçisinin heyətində qolları Rüstəm Əhmədzadə (14), Aleksandr Ramalinqom (26), Aleksa Yankoviç (36) vurublar.
Qeyd edək ki, daha əvvəlki matçlarda "Turan-Tovuz" "İmişli"ni bir cavabsız qolla üstələyib. "Karvan-Yevlax" və "Qəbələ" komandaları arasında keçirilmiş açılış oyununda qalib müəyyənləşməyib - 1:1.
Eyni hesab "Neftçi" - "Şamaxı" qarşılaşmasında da qeydə alınıb.
Bizim.Media
