Son sutka ərzində Kamçatkada təxminən yetmişə yaxın zəlzələ qeydə alınıb, onlardan 10-u Petropavlovsk-Kamçatkada hiss olunub.
APA xəbər verir ki, bu barədə Rusiya Elmlər Akademiyasının Birləşmiş Geofizika Xidmətinin Kamçatka filialının "Telegram" kanalında məlumat verilib.
Seysmoloqların məlumatına görə, bölgədə seysmik aktivlik azalmaqdadır, lakin hələ də yüksək səviyyədə qalır.
İyulun 30-da baş vermiş 8.8 maqnitudalı zəlzələdən sonra başlayan afterşok prosesinin bir neçə ay davam edəcəyi proqnozlaşdırılır.
