Sİ-nin köməti ilə yaradılan video-oyunların sayı 8 dəfə artıb | VİDEO

AzVision.az xəbər verir ki, bu barədə məlumat analitik İçiro Lambenin “mz Totally Human Media” bloqunda yer alıb.

“Steam” platformasının təhlilinə görə, əgər bir il əvvəl tərtibatçılar Sİ-dən istifadəni təxminən 1000 layihə həcmində elan etmişdilərsə, bu gün onların sayı demək olar ki, 8000-ə çatıb. Bu isə o deməkdir ki, artıq 2025-ci ildə buraxılmış hər beşinici oyun bu və ya digər dərəcədə Sİ-dən istifadə etməklə yaradılıb.

“Sİ inkişafın bütün mərhələlərində tətbiq tapır. Neyron şəbəkləri çox vaxt, təxminən 60% hallarda vizual aktivlər yaratmaq üçün istifadə olunur: simvollar, fonlar, fakturalar və 3D modellər. Texnologiyadan musiqi, səs xarakterləri yaratmaq, oyundaxili sözlər yazmaq, irfan və marketinq materialları yaratmaq üçün də fəal şəkildə istifadə edilir”,- xəbərdə deyilir.

Süni intellektdən ən geniş istifadə getdikcə həm də oyunların birbaşa oyun prosesi ilə bağlı olan hissəsinin yaradılmasında tapılır. Məsələn, bəzi “roguelike” janrlı oyunlarda neyron şəbəkə real vaxt məkanları və obyektləri yaradır. Digər layihələrdə, məsələn, “inZOI”, oyunçular mətn sorğularından istifadə edərək obyektlər üçün fakturalar yarada bilərlər.

Sİ təkcə kiçik indi-studiyaları tərəfindən deyil, həm də böyük büdcəli layihələrin yaradıcıları tərəfindən istifadə olunur. Məsələn, məşhur atıcı “The Finals” oyununda personajların səsləri neyron şəbəkəsi tərəfindən və dəhşətli “Lethal Company” oyununda da bəzi oyundaxili rəsmlər süni intellektdən istifadə etməklə yaradılıb.


Sahil İsgəndərov
AzVision.az