“Neftçi” Polşada ilk məşqinə çıxdı

“Neftçi” təlim-məşq toplanışının ikinci mərhələsinə start verib.

"Football-plus.az" xəbər verir ki, komanda Keltse (Polşa) şəhərində ilk məşqinə çıxıb.

“Binkovski Hotel”də məskunlaşan “ağ-qaralar” burada 4 yoxlama oyunu keçirəcəklər. Baş məşqçi Samir Abasovun yetirmələri iyulun 17-də “Hapoel Təl-Əviv” (İsrail), 22-də “Termalitsa Nyeçetşa” (Polşa), 27-də “Asteras Tripolis” (Yunanıstan) və avqustun 1-də AEL (Cənubi Kipr) klubu ilə qarşılaşacaqlar.

Qeyd edək ki, toplanışın ikinci mərhələsi avqustun 2-dək davam edəcək.