“Portu” 21 yaşlı ispan mərkəz hücumçusu Samuel Omorodion Agehovanın (Agehova) transfer hüququna tam sahib olub.
Arena.az bu barədə Portuqaliya klubunun rəsmi sayıta istinadən məlumat verir.
“Əjdahalar” Omorodionun transfer hüququnun yerdə qalmış 35%-ni də satın almaq üçün Madrid “Atletiko”suna 5 milyon avro məbləğində sabit və 7 milyon avro məbləğində əlavə üstəlikdən ibarət – ümumikdə 12 milyon avro məbləğində ödəniş ediblər.
Xatırladaq ki, 2024-cü ilin avqust ayında “Portu” futbolçunun keçidini rəsmiləşdirərkən, Omorodionun transfer hüququnun 50%-ni 15 milyon avro məbləğ, cari ilin may ayında isə daha 15%-ni 5 milyon avro məbləğ müqabilində satın almışdı.
Beləliklə, “əjdahalar” Omoridion müqabilində “döşəkçilər”ə ümumilikdə 32 milyon avro məbləğində ödəniş ediblər.
“Samu” Omorodionun “Portu” ilə müqavilənin müddəti 2029-cu ilin iyun ayının sonuna qədər qüvvədədir.
Samu Omorodion “Qranada”nın məzunudur. Hücumçu, karyerası ərzində Madird “Atletiko”su və “Alaves” üçün oynayıb.
2024/2025-ci illər mövsümündə Omorodion Portuqaliya klubu üçün 45 oyun keçirib, 27 qol və 3 məhsuldar ötürmə ilə fərlənib.
Samuel Omorodion 2024-cü ilin noyabr ayında debüt etdiyi İspaniya yığmasının heyətində məhsuldar fəaliyyəti ilə diqqət çəkmədiyi 2 oyun keçirib.
“Samu” Omorodionun qənimətlər muzeyində İspaniya yığması ilə qazandığı 2024-cü il Paris Yay Olimpiya Oyunları futbol yarışının qızıl medalı var.
“Transfermarkt” internet-portalı 21 yaşlı ispan mərkəz hücumçusunun transfer dəyərini 50 milyon avro məbləğ müqabilində qiymətləndirir.
