Rəsmi İrəvan üçüncü ölkələrin Ermənistan ərazisindən kiməsə qarşı hərbi əməliyyatlar üçün istifadə etməsi ehtimalını rədd edib.
“Bakuinfo” xəbər verir ki, bu barədə Ermənistan Xarici İşlər Nazirliyinin mətbuat xidmətinin məlumatında deyilir.
“Mətbuatda yer alan bəzi uydurma məlumatlara cavab olaraq Ermənistan Respublikası öz prinsipial mövqeyini bir daha təsdiqləyir: Ermənistan Respublikasının ərazisi üçüncü dövlətlər tərəfindən heç bir qonşu dövlətə qarşı hərbi əməliyyatlar həyata keçirmək üçün istifadə edilə bilməz”, - deyə bildirilib.
