“Qonşu ölkələrə qarşı rus şovinizminin güclənməsi dözülməz həddə çatıb”

“Rusiyanın Yekaterinburq şəhərində Rus Federal Təhlükəsizlik Xidməti tərəfindən azərbaycanlıların yaşadığı mənzillərə qəfil basqın edilib və nəticədə soydaşlarımız qanunsuz saxlanılıb, amansız işgəncələrlə qətlə yetirilib. Azərbaycanlılara qarşı törədilən bu cinayət, terror aktı Rusiya dövlətinin nəinki xalqımıza, həmçinin qeyri-rus millətlərinə qarşı apardlğı düşmənçilik siyasətini bir daha sübut etmiş oldu”.

Bu fikirləri Demokrat.az-a açıqlamasında ATXƏM İB-nin sədri İlham İsmayılov bildirib.

Onun sözlərinə görə, bir müddət əvvəl Rusiyanın “Rossotrudniçestvo” təşkilatının Azərbaycandakı nümayəndəliyinin ölkəmizdə casus şəbəkə yaratmaqda ittiham olunması, Bakıda Rus Evinin bağlanması Rusiya dövlətınin bizə qarşı apardığı məqsədyönlü siyasətini ifşa edib:

“Daha sonra AZAL-aa məxsus mülki təyyarəmizin vurulmasına görə hələ bu günə qədər Rusiya bir səmimi peşmançılıq çəkdiyini bildirməmiş, üzr istəməmişdir. Sanki vaxt keçdikcə unutdurmaq istəyirlər.
Və ardınca 5 həmvətənimizi, bir ailənin üzvlərini evlərində amansızcasına qətlə yetiriblər. Bu təxribatların davamlı olması onu göstərir ki, Rusiya qonşularına qarşı hər zaman belə münasibət göstərir və bunun da bir çox səbəbləri vardır.

Artıq uzun illərdir ki, soydaşlarımız Azərbaycandan gedərək Rusiyanın ictimai-siyasi, iqtisadi həyatında iştirak edirlər, orda bazarların, meyvə-tərəvəz bolluğunun yaranmasına və beləliklə də iqtisadi inkişafına öz töhfələrini verirlər. Ancaq buna cavab olaraq, biz hər dəfə belə halların baş verməsinin şahidi olmuşuq. İnsan hüquqlarının get-gedə daha da kobud şəkildə pozulması, qonşu ölkələrə qarşı rus şovinizminin güclənməsi artıq dözülməz həddə gəlib çatıb. Hətta, mən Rusiyanın Ukraynanı işğalında qeyd etmişdim ki, bütün post-sovet ölkələri bu müharibənin aparılmasına etiraz etməlidirlər. Çünki bu və ya digər şəkildə bu da təcavüzün bir növüdür. Ölkəmizdə nəinki ruslar, bütün digər xalqların nümayəndələri daim tam, bərabər hüquqlu vətəndaşlar olaraq əmin-amanlıq, sülh, sabitlik şəraitində yaşayıb fəaliyyət göstərmişlər. Azərbaycan tolerant dövlətdir. Lakin Rusiyada soydaşlarımıza qarşı hər zaman ayrı-seçkilik, ikili standartlarla yanaşma mövcüd olmuşdur və biz də buna qəti şəkildə etiraz edirik. Bu insanlıq əleyhinə cinayətdir. Biz vətəndaş cəmiyyətinin nümayəndəsi olaraq baş vermiş bu vəhşicəsinə cinayətə görə Rusiya rəhbərliyinin üzr istəməsini və günahkarların cəzalandırılmasını tələb edirik”.

Demokrat.az

“Qonşu ölkələrə qarşı rus şovinizminin güclənməsi dözülməz həddə çatıb” — ATXƏM sədrindən ETİRAZ

Hesaba daxil ol

Qeydiyyatdan keç

Şifrəni bərpa et