“Barselona” 2020-ci il üçün futbolçulara olan borcların ödənilməsində son mərhələyə daxil olub.
90deqiqe.Az-ın “Sport.es”ə istinadən məlumatına görə, iyunun 30-u 16 milyon avroluq son ödəniş həyata keçiriləcək. Bu məbləğ 2020-ci ildə maaşlarını təxirə salmağa razılaşmış bütün futbolçular və məşqçilər arasında paylanacaq. Siyahıda Lionel Messi, Serxio Buskets, Jordi Alba, Usman Dembele, Antuan Qrizman və digərləri yer alır.
Qeyd olunur ki, “Barselona”nın ən böyük borcu məhz Messiyədir. Argentinalı futbolçuya ödəniləcək yekun məbləğ 5,95 milyon avrodur. Eks-uğurun ətrafındakılar klubun öhdəliklərini tam yerinə yetirdiyini bildirir.
