“Transfermarkt” dünyanın ən bahalı oyunçularını açıqladı – ARENA.AZ

“Transfermarkt” internet-portalı dünyanın ən bahalı qapıçısının, müdafiəçisinin, yarımmüdafiəçisinin və hücumçusunun adını açıqlayıb.

Arena.az xəbər verir ki, hazırda dünyanın ən bahalı qapıçı “Mançester Siti”nin (İngiltərə) və İtaliya yığmasının əsas heyət üzvü Canluici Donnarummadır.

Nüfuzlu internet-portal italyan qapıçının transfer dəyərini 45 milyon avro məbləğində qiymətləndirir.

Dünyanın ən bahalı müdafiəçisi isə “Arsenal”ın (İngiltərə) və Fransa yığmasının mərkəz müdafiəçisi Vilyam Salibadır. Nüfuzlu internet-portal, Vilyam Salibanın transfer dəyərini 90 milyon avro məbləğində qiymətləndirir.

Dünyanın ən bahalı yarımmüdafiəçisi “Barselona”nın (İspaniya) və İspaniya yığmasının mərkəz yarımmüdafiəçisi Pedridir. Pedrinin transfer dəyəri 140 milyon avro məbləğində qiymətləndirilir.

“Transfermarkt” dünyanın ən bahalı hücumçularının siyahısında bir yox, üç futbolçuya yer verib: Lamin Yamal (“Barselona”), Kilian Mbappe (“Real”) və Erlinq Haland (“Mançester Siti”). Nüfuzlu internet-portal, bu futbolçuların hər birinin transfer dəyərini 200 milyon avro məbləğində qiymətləndirir.