Vaşinqton, 22 fevral, AZƏRTAC
ABŞ-ın Florida ştatının Palm Biç şəhərində ABŞ Prezidenti Donald Trampın Mar-a-Laqodakı iqamıtgahının təhlükəsiz sərhədlərinə daxil olan şəxs güllələnərək öldürülüb.
AZƏRTAC-ın məlumatına görə, bu barədə ABŞ Məxfi Xidməti məlumat yayıb. Hadisə zamanı Prezident və ailəsi Ağ Evdə olub.
Güllələnən şəxsin adı açıqlanmayıb. Gizli Xidmətin məlumatına görə, o, ov tüfəngi və yanacaq konteneri apararkən Mar-a-Laqo iqamətgahının şimal qapısında müşahidə edilib.
Məlahət Nəcəfova
AZƏRTAC-ın xüsusi müxbiri
Vaşinqton
