ABŞ Prezidenti Donald Tramp federal hüquq-mühafizə orqanlarına Vaşinqtonun bütün ərazisində öz mövcudluğunu artırmağı tapşırıb.
Haftta.az bu barədə Rg.ru-ya istinadla xəbər verir.
Mart ayında Tramp "Kolumbiya dairəsinin təhlükəsizliyi və gözəlliyi üzrə hədəf qrupu"nun yaradılması barədə fərman imzalayıb. Hazırda federal və yerli hüquq-mühafizə orqanları - o cümlədən Daxili Təhlükəsizlik İdarəsi, FTB və başqa qurumlar bu məqsədlə Vaşinqtonda bir həftəlik xüsusi əməliyyata başlayıblar.
Əməliyyatın məqsədi turistlərin sıx olduğu ərazilərdə təhlükəsizliyi artırmaqdır. Trampın sözçüsü Kerrolayn Livitt bildirib ki, Kolumbiya dairəsi zorakı cinayətkarlar üçün təhlükəsiz sığınacaq olmayacaq.
"Prezident Tramp federal hüquq-mühafizə orqanlarının vətəndaşların müdafiəsi üçün iştirakını artırmağı əmr edib", - deyə o əlavə edib.
Hədəf qrupuna, həmçinin federal miqrasiya qanunlarının maksimum icrasını təmin etmək, qeyri-qanuni miqrantların saxlanılması və deportasiyası üçün resursları səfərbər etmək tapşırılıb. Əməliyyat Vaşinqtonun əsas park və turistik məkanlarını da əhatə edir.
