"ABŞ riskli ikinci dərəcəli tariflər olmadan Rusiyanın neft gəlirlərini vura bilər".
HİT.az xəbər verir ki, bunu "Reuters"in xüsusi buraxılışlar üzrə şərhçisi Huqo Dikson yazıb.
Onun fikrincə, Donald Tramp administrasiyasının Rusiya neftinin alıcılarına qarşı ikinci dərəcəli sanksiyalar tətbiq etməkdənsə, Kremlə təzyiq göstərmək üçün daha effektiv alətləri var. Dikson yazır: "Trampın Moskvanın hazırda ildə təxminən 160 milyard dollar olan gəlirlərini azaltmaq üçün ikinci dərəcəli tariflərə ehtiyacı yoxdur".
Trampın Rusiya ilə ticarət edən ölkələrdən idxala 100% rüsum tətbiq etmə ehtimalı ilə bağlı son açıqlamaları maliyyə bazarlarında şübhə yaradıb. Rusiyada rubl və səhmlər bahalaşıb, neftin qiyməti isə ucuzlaşıb:
İnvestorlar həqiqətən də Trampın ciddi olduğuna inansalar, bu, baş verəcəklərin əksinədir".
Dikson radikal tədbirlər əvəzinə diplomatik strategiya təklif edir: Hindistanı Rusiya neftini almağı dayandırmağa inandırmaq, eyni zamanda Səudiyyə Ərəbistanını dünya qiymətlərində sıçrayışdan qaçmaq üçün hasilatı artırmağa təşviq etmək.
Dikson qeyd edir: "Vaşinqtonun Dehli və Ankara ilə sərfəli tədarük mübadiləsi haqqında danışıqlar aparmaq üçün kifayət qədər diplomatik arsenalı var".
Aİ artıq Rusiya neftinin alışının yuxarı həddini bir barel üçün 47,6 dollara endirib və ABŞ daha da irəli gedə bilər. Dixon hesab edir ki, Hindistan və Türkiyə alışdan imtina etmək məcburiyyətində qalarsa, bir barel üçün hətta 40 dollar qiymət həddinə çata bilər. O, həmçinin Rusiyanın “kölgə donanması” adlanan gəmilərinə qarşı sərt sanksiyalar təklif edir ki, bu da qiymət məhdudiyyətlərinə riayət olunmasına nəzarəti gücləndirməyə imkan verəcək.
"Putin həyasızdır, ona görə də büdcəsini tükəndirmək kifayət etməyə bilər. Lakin əgər ABŞ həqiqətən də Ukraynaya silah tədarükünü artırarsa və Avropa Rusiyanın dondurulmuş 300 milyard dollarlıq aktivlərindən istifadə edərək buna qoşularsa, Kreml hədsiz təzyiq altında qala bilər", deyə Dikson yekunlaşdırıb.
Samir
