Fanat saytından verilən məlumata görə, ain.az xəbər verir.
1-ci Liqanın 19-cu turu çərçivəsində bu gün Binə qəsəbə stadionunda "Şahdağ Qusar"ı 1:0 hesabı ilə məğlub edən lider "Şəfa" mübarizə apardığı çempionatlarda məğlubiyyət acısı dadmır.
Fanat.Az-ın hesablamalarına görə, Bakı təmsilçisi 34 yaşlı baş məşqçisi Elgiz Kərəmlinin rəhbərliyi altında çıxdığı 32 görüşdə yenilgi tanımayıb.
Bu matçlardan 13-ü 2-ci, 19-i isə 1-ci Liqaya təsadüf edib.
Sözügedən kollektiv həm də bu mövsüm bütün Azərbaycan liqalarında məğlub olmayan yeganə komandadır.
Xatırladaq ki, hazırda 45 xalı olan "Şəfa" 1-ci Liqanın turnir cədvəlində şəriksiz lider mövqeyindədir. İkinci pillədə 37 xalla "Baku Sportinq" qərarlaşıb.
Toğrul
Abunə Ol
Sonrakı hadisələr barədə daha çox məlumat almaq üçün ain.az saytını izləyin.
