“FanDuel” nümayəndəsi Sezar Fernandes Dövlət Oyun Qanunları Milli Şurasının (NCLGS) konfransında səlahiyyətliləri bukmeker kontorlarının vergi yükünü azaltmağa çağırıb.
Publika.az xəbər verir ki, bu barədə SiGMA məlumat yayıb.
Fernandes, ABŞ bukmeker kontorlarına artan vergi yükünün qumar sektorunun uzunmüddətli davamlılığını təhdid etdiyini söyləyib və “FanDuel”in hər 100 mərcdən yalnız 1,55 dollar qazanc əldə etdiyini bildirib.
Bu rəqəm ona görə əldə edilir ki, əməliyyat və marketinq xərcləri, bonuslar və reklam kampaniyaları, işçilərin maaşları vergilərə əlavə olunur. Vergi dərəcəsinin 51%-ə çatdığı Nyu-York əyalətində biznes marjaları daha da azalır.
