İran ABŞ və İsrail ilə qarşıdurmaya son qoymaq üçün dinc nüvə enerjisi hüququna hörmət tələb edir.
Bizim.Media xəbər verir ki, bu barədə "RİA Novosti"yə İslam Respublikasındakı diplomatik mənbə bildirib.
Onun sözlərinə görə, müharibəyə son qoymaq üçün şərtlər atəşkəs deyil, Fars körfəzində davamlı sülhdür, çünki İran "artıq acı təcrübəyə malikdir".
Mənbə vurğulayıb ki, davamlı sülhün qorunması üçün konkret mexanizm ABŞ və İsrailin hərəkətlərinin pislənməsini, təzminatların ödənilməsini, maddi ziyanın ödənilməsini, bütün sanksiyaların ləğvini və İslam Respublikasının dinc nüvə enerjisi hüququna hörmət edilməsini əhatə edir.
Mənbə onu əlavə edib ki, Vaşinqtonun xahişlərinə baxmayaraq, 28 fevralda münaqişə başlayandan bəri İran və ABŞ arasında heç bir danışıqlar aparılmayıb.
Bizim.Media
