Yüksək Liqa: “Azərreyl” uduzdu, “DH Volley” qazandı – ARENA.AZ

Qadın voleybolçular arasında təşkil edilmiş Azərbaycan çempionatında (Yüksək Liqa) bu gün 13-cü tura start verilib.

Arena.az xəbər verir ki, turun ilk oyun günündə iki görüş baş tutub.

Hər iki görüş Azərbaycan Voleybol Federasiyasının idman zalında keçirilib. Əvvəlcə “Milli Aviasiya Akademiyası” “Azərreyl” kollektivinə 3:1 (25:16, 26:24, 29:31, 25:20) hesabı ilə qalib gəlib. Ardınca isə “DH Volley” komandası “Turan”ı 3:2 (25:23, 23:25, 25:10, 19:25, 15:13) hesabı ilə üstələyib.

Xatırladaq ki, 13-cü tura fevralın 17-də yekun vurulacaq.

Yüksək Liqa
13-cü tur
12 fevral

“Azərreyl” – “Milli Aviasiya Akademiyası” 1:3 (16:25, 24:26, 31:29, 20:25)
Azərbaycan Voleybol Federasiyasının idman zalı.

“DH Volley” – “Turan” 3:2 (25:23, 23:25, 25:10, 19:25, 15:13)
Azərbaycan Voleybol Federasiyasının idman zalı.