Azərbaycan millisi Litva və Lixtenşteynlə qarşılaaşcaq – ARENA.AZ

Futbol üzrə Azərbaycan millisinin UEFA Millətlər Liqasının 2026/2027-ci illər mövsümündəki rəqibləri müəyyənləşib.

Arena.az xəbər verir ki, bu gün Belçikanın paytaxtı Brüsseldə UEFA Millətlər Liqasının növbəti mövsümünün püşkü atılıb.

Ayxan Abbasovun baş məşqçisi olduğu Azərbaycan millisinin püşkatmaya D Liqasının 1-ci səbətindən qoşulacağı öncədən məlum idi. Burada 3 komandadan ibarət 2 qrup formalaşacaqdı. Püşkə əsasən, Azərbaycan millisi Litva və Lixtenşteyn yığmalarına rəqib olub. Bu qrupda yer almış komandalar bir-birinə qarşı ev və səfər prinsipi olmaqla 4 matça çıxacaqlar.

Xatırladaq ki, UEFA Millətlər Liqasında yeni mövsümə 2026-cı ilin sentyabr ayında start veriləcək. Milli komandamızın bu rəqiblərlə oyunlarının təqvimi və məkanları daha sonra dəqiqləşəcək.