İranın Təl-Əvivə endirdiyi raket zərbələri nəticəsində Xorvatiyanın İsraildəki konsulu və həyat yoldaşı xəsarət alıb.
"Unikal" xəbər verir ki, bu barədə Xorvatiyanın xarici işlər naziri Qordan Qrliç Radman açıqlayıb.
"Təl-Əvivə hücumda konsulumuzun və onun həyat yoldaşının yaralanması xəbərindən sarsıldım. Onların yaşadıqları bina vuruldu. Mən onlarla danışdım və xoşbəxtlikdən onların xəsarətləri yüngüldür və həyati təhlükəsi yoxdur", - nazir X hesabında yazıb.
Radman əlavə edib ki, onun nazirliyi Xorvatiyanın İsraildəki səfirliyi ilə daim əlaqə saxlayır və əməkdaşlarının təhlükəsizliyini təmin etmək üçün bütün lazımi tədbirləri görür.
Ağarza Elçinoğlu
