Sportal.az portalından əldə olunan məlumata əsasən, ain.az xəbər verir.
"Turan Tovuz" Misli Premyer Liqasının 32-ci turunda səfərdə "Şamaxı"ya 2:3 hesabı ilə uduzub.
Sportal.az xəbər verir ki, Qərb bölgəsi təmsilçisinin baş məşqçisi Kurban Berdiyev matçdan sonra keçirilən mətbuat konfransında jurnalistlərin suallarını cavablandırıb:
- Birinci hissədə pis oynadıq. Hakim barədə ümumiyyətlə danışmaq istəmirəm. İkinci hissədə daha aqressiv oynadıq və hesabı bərabərləşdirdik. Amma təəssüflər olsun ki, 3-cü qolu buraxdıq.
- Ötən tur avrokuboklara vəsiqəni təmin etdiz. Buna görə futbolçularda arxayınlıq yox idi?
- Müəyyən mənada razılaşmaq olar. Birinci hissədəki oyuna köklənmə belə düşünməyə əsas verirdi. Amma ikinci hissəyə görə uşaqlara təşəkkür edirəm. 3-cü qolu buraxmasaydıq, qələbə qazana bilərdik.
- Müdafiəçilər epizodlara gec reaksiya verirdi. Bunun səbəbi nədir?
- İlk hissədəki oyuna görə razılaşmaq olar. Amma rəqib futbolçular da aqressiv idilər. Bəzən ikinci topların götürülməsində də gecikirdik. Fasilədən sonra çatışmazlıqları aradan qaldıra bildik.
- Hər iki komandanın aqressiv oyunu nədən qaynaqlanırdı?
- Mənə elə gəlir ki, hakimlikdən qaynaqlanırdı.
- Transferlə bağlı nə planlarınız var?
- Axtarışlar davam. Amma hələ ki yekun nəticə yoxdur.
- Neçə oyunçu transfer etməyi düşünürsüz?
- Hər şey tapacağımız keyfiyyətli oyunçu sayından asılı olacaq.
Elçin Əlixan
saytlarin hazirlanmasi
Sonrakı hadisələr barədə daha çox məlumat almaq üçün ain.az saytını izləyin.
