Arıqlamaq istəyənlər üçün balanslı qidalanma mühüm rol oynayır. Mütəxəssislərin fikrincə, şam yeməyi gün ərzində ən çox nəzarət edilə bilən qida qəbulu hesab olunur.
HİT.az "Parade" nəşrinə istinadən xəbər verir ki, şam yeməyi üçün ən uyğun vaxt yatmazdan 2–4 saat əvvəldir.
Üç dietoloq arıqlamaq üçün ən yaxşı şam yeməyi ilə bağlı eyni fikri səsləndirib: sobada bişmiş losos, kinoa və qulançar.
“Bișmiş losos yüksək keyfiyyətli zülal və omeqa-3 yağ turşuları ilə zəngindir. Kinoa həm mürəkkəb karbohidratlar, həm də zülal ehtiva edir. Qulançar isə aşağı kalorili, lif, fol turşusu və antioksidantlarla zəngin tərəvəzdir”, deyə qidalanma üzrə mütəxəssis Kris Mur bildirib.
Diyetoloq Sara Rim qeyd edir ki, losos arıqlamaq istəyənlər üçün əla seçimdir. O, həm zülal, həm də faydalı yağlarla zəngindir və bu da uzun müddət toxluq hissi yaradır.
“Bu maddələr daha yavaş həzm olunur və qanda şəkər səviyyəsinin sabit qalmasına kömək edir”, deyə o bildirib.
Bununla belə, mütəxəssislər lososun tərkibində müəyyən miqdarda civə olduğunu xatırladaraq, həftədə təxminən iki porsiya ilə məhdudlaşmağı tövsiyə edirlər.
Diyetoloq Destini Mudi bildirir ki, kinoa bütün doqquz əvəzolunmaz amin turşusunu ehtiva edən nadir bitki mənşəli məhsullardandır.
“Bu, həm də antioksidantlar və lif baxımından zəngin tam taxıldır”, deyə o qeyd edib.
Qulançar müxtəlif rənglərdə olsa da (yaşıl, ağ, bənövşəyi), onların qida dəyəri demək olar ki, eynidir. Bu tərəvəz K vitamini, fol turşusu və liflə zəngindir.
“Lif toxluq hissini artırır və həzmi yaxşılaşdırır, bu da zamanla çəkiyə nəzarət etməyə kömək edir”, deyə Kris Mur əlavə edib.
Losos əvəzinə tofu, tempe və ya mərcimək istifadə oluna bilər. Bu məhsullar bitki mənşəli zülal və liflə zəngindir, həmçinin qanda şəkərin sabit qalmasına kömək edir.
Bundan əlavə, qoz-fındıq və toxumlar da rasiona daxil edilə bilər. Kətan toxumu və qoz omeqa-3 yağ turşuları ilə zəngindir, lakin yüksək kalorili olduqları üçün porsiyaya diqqət yetirmək lazımdır.
Mütəxəssislər “boşqab modeli”ni tövsiyə edir: boşqabın dörddə biri zülal, dörddə biri taxıl, qalan hissəsi isə tərəvəzlərdən ibarət olmalıdır. Bu, təxminən 85–110 qram losos, bir stəkan bişmiş kinoa və bir neçə qulançar sapı deməkdir.
Yeməyin hazırlanma üsulu da vacibdir. Sobada bişirmə, qril, buğda bişirmə və ya az yağda qızartma üsulları daha sağlam hesab olunur, çünki artıq yağ və kalorinin qarşısını alır.
Samir
