Qazaxıstanlı diplomatlar İrandan Azərbaycana təxliyə olundular

“Astara” dövlət sərhədindən buraxılış məntəqəsi vasitəsilə İrandan təxliyə prosesi davam edir.

Publika.az Teleqraf-a istinadən xəbər verir ki, təxliyə çərçivəsində Qazaxıstanın 3 diplomatik nümayəndəsi sərhədi keçərək Azərbaycan ərazisinə təxliyə olunub.

Bundan əlavə, səhər saatlarında Rusiyanın 8 vətəndaşı da “Astara” dövlət sərhədindən buraxılış məntəqəsi vasitəsilə İrandan təxliyə olunub.

Təxliyə olunan şəxslər müvafiq sənəd yoxlanışı və qeydiyyat prosedurlarından keçdikdən sonra təhlükəsiz şəkildə ölkə ərazisinə buraxılıblar.