BAKI, 23 fevral. TELEQRAF
18 yaşadək futbolçulardan ibarət Azərbaycan milli komandası Beynəlxalq İnkişaf Turnirində sonuncu oyununu keçirib.
Teleqraf xəbər verir ki, yığmamız 5-ci yer uğrunda görüşdə Tacikistanın müvafiq yaş qrupundan ibarət komandası ilə qarşılaşıb.
Belarusun paytaxtı Minskdə yerləşən yerli futbol federasiyasının məşq meydançasında baş tutan görüş rəqibin 1:0 hesablı qələbəsi ilə yekunlaşıb.
Matçda yeganə qolu 2-ci dəqiqədə Bixişti Radjabzod vurub. Millimizin üzvü Amin Rzayev 35-ci dəqiqədə təyin olunan penaltidən fərqlənə bilməyib.
Qeyd edək ki, Azərbaycanın U-18 yığması bu turnirdə Belarus seçməsinə 1:0 hesabı ilə qalib gəlib, Özbəkistana 1:3, Rusiyaya isə 1:7 hesabı ilə məğlub olub.
