Prezident Donald Tramp Kubadan qaynaqlanan təhlükələrlə bağlı ABŞ-da fözvəqladə vəziyyət elan edib.
Ölkə.az xəbər verir ki, Tramp bununla bağlı fərman imzalayıb və sənəd Ağ Evin saytında dərc edilib.
Fərmanda Kuba hakimiyyətinin siyasətinin və hərəkətlərinin ABŞ-a zərər verməyə və ABŞ-ı məhv etməyə çalışan düşmən ölkələri və terrorçuları dəstəkləməyə yönəldiyi bildirilir. Fərmanda deyilir: "Bu fərmanla elan edilən milli fövqəladə vəziyyəti həll etmək üçün tarif sisteminin yaradılmasını zəruri və məqsədəuyğun hesab edirəm".
Bu sənəd ABŞ-a Kubaya neft tədarük edən ölkələrin mallarına əlavə advalor tarif tətbiq etməyə imkan verir . Sənəddə vurğulanır ki, cənab Tramp tarifləri yenidən nəzərdən keçirə və ya dəyişdirə bilər, bir şərtlə ki, Kuba və ya tariflərdən təsirlənən ölkələr öz siyasətlərini ABŞ-ın xarici siyasət maraqları və milli təhlükəsizlik məqsədləri ilə uyğunlaşdırsınlar.
Hazırda ABŞ-da 50-dən çox fövqəladə vəziyyət fərmanı qüvvədədir. Bu sənədlərin çoxu Kuba, İran, Rusiya, qanunsuz immiqrasiya və narkotik ticarəti ilə bağlıdır.
Mürtəza
