Abdulla Rzayev “Turan Tovuz”dan ayrıldı, “Sabah”a qayıtdı – ARENA.AZ

Azərbaycan Premyer Liqasında mübarizə aparan “Turan Tovuz”un sağ cinah müdafiəçisi Abdulla Rzayev Tovuz klubundan ayrılıb.

Arena.az xəbər verir ki, bu barədə əyalət təmsilçisinin mətbuat xidməti məlumat yayıb.

23 yaşlı oyunçu ilə müqaviləyə qarşılıqlı razılıq əsasında xitam verilib. İcarə əsasında bu komandada çıxış edən Abdulla müqavilə ilə məxsus olduğu “Sabah” klubuna qayıdıb.

Xatırladaq ki, “Turan Tovuz” “Sabah”a məxsus olan müdafiəçini cari mövsümün əvvəlində bir illik icarəyə götürmüşdü. Abdulla Tovuz klubunun heyətində cəmi 4 oyuna çıxıb. Böyük ehtimalla, Rzayev az oyun şansı qazandığı üçün “Turan Tovuz”dan ayrılıb.

Abdulla Rzayev karyerası ərzində “Şamaxı”, “Kəpəz” və “Araz-Naxçıvan”ın da formasını geyinib.

Rzayev Azərbaycanın U-21 yığmasında forma geyinsə də, əsas millimizdə debüt şansı qazanmayıb.