“Bu gün Bakıdan Türkiyəyə uçuşu nəzərdə tutulan Türk Hava Yollarının reysləri ləğv olunub”.
Bunu açıqlamasında Heydər Əliyev Beynəlxalq Aeroportunun Mətbuat Xidmətinin rəhbəri Nərmin Xəlilova deyib.
“TK332 (gəliş – 12:30) və TK333 (gediş – 13:30) nömrəli reyslər həyata keçirilməyib. Sərnişinlərə reyslə bağlı əlavə məlumat üçün aviaşirkətə müraciət etmələri tövsiyə olunur”, – deyə N.Xəlilova bildirib.
“Azərbaycan Hava Yolları” (AZAL) QSC-nin Mətbuat Xidmətindən də Oxu.Az-ın sorğusuna cavab olaraq şirkətin həyata keçirdiyi uçuşlarda hər hansı gecikmənin qeydə alınmadığı vurğulanıb.
Qeyd edək ki, ötən gün əlverişsiz hava şəraiti səbəbindən Türk Hava Yolları İstanbul hava limanından yanvarın 12-də qalxan və enən 54 uçuşu ləğv edib.
