ABŞ-nin keçmiş prezidenti Co Baydenə Ağ Evə rəhbərlik edən keçmiş prezidentlər arasında ən böyük dövlət təqaüdü təyin edilib.
Yeniavaz.com xəbər verir ki, bu barədə “The New York Post” (NYP) qəzeti məlumat yayıb.
Nəşrin məlumatına görə, Baydenin təqaüdü ABŞ-nin keçmiş prezidentləri arasında rekord həddə - ildə təxminən 417 000 dollar olacaq ki, bu da onun prezidentlik dövründəki maaşından çoxdur.
Bu məbləğ həmçinin ABŞ-nin keçmiş prezidenti Barak Obamanın təqaüdündən təxminən iki dəfə çoxdur.
Milli Vergi Ödəyiciləri Fondunun vitse-prezidenti Damian Bredinin sözlərinə görə, Baydenin uzun siyasi karyerası onun niyə bu qədər yüksək pensiya aldığını izah edir.