Ucarda kütləvi zəhərlənmə hadisəsi olub.
NOCOMMENT.az -ın bölgə müxbirinin verdiyi xəbərə görə, hadisə rayon ərazisində yerləşən Mərcan Broyler MMC-yə məxsus quş əti emalı sexində qeydə alınıb.
İlkin məlumata görə zəhərlənmənin qidadan baş verdiyi etimal olunur.Dərhal əraziyə təcili tibbi yardım briqadasının əməkdaşları cəlb olunub və zəhərlənmədə şübhəli bilinən 14 nəfər rayon mərkəzi xəstəxanasına çatdırılıb.Həkimlər onların hər birinə ilkin tibbi yardım göstərib.
Hadisə ilə bağlı TƏBİB-dən sorğumuza cavab olaraq bildirilib ki, 30.12.2025-ci il tarixində saat 11:00 radələrindən etibarən zəhərlənmə şübhəsilə 14 nəfər (3 kişi, 11 qadın) Ucar Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.Pasiyentlərin hər birinə zəruri tibbi xidmətlər göstərilib.Vəziyyətləri qənaətbəxş qiymətləndirilən şəxslərin hər biri ambulator müalicə üçün evə buraxılıb.)
Qeyd edək ki, kütləvi zəhərlənməyə səbəb olan Mərcan Broyler MMC hazırda Ucar rayon İcra Hakimiyyətinin başçısı Mansur Məmmədova məxsus olduğu iddia olunur.
Faktla bağlı araşdırma aparılır.
***17:59
Ucar rayonunda kütləvi zəhərlənmə halı baş verib.
NOCOMMENT.az xəbər verir ki, hadisə bu gün səhər saatlarında baş verib.
Ucar Rayon Mərkəzi Xəstəxanasının Təcili tibbi yardım şöbəsinə zəhərlənmə şübhəsi ilə 14 nəfər (üç kişi, 11 qadın) müraciət edib.
Qeyd olunub ki, müraciətlər səhər saat 11:00-dan etibarən daxil olmağa başlayıb.
“Pasiyentlərin hər birinə zəruri tibbi xidmətlər göstərilib. Vəziyyətləri qənaətbəxş qiymətləndirilən şəxslərin hər biri ambulator müalicə üçün evə buraxılıblar”, – deyə məlumatda bildirilir.
Onların nədən zəhərlənməsi hələ ki, məlum deyil.
