Mərhum əməkdar artist Aygün Bəylərin bacısı Zümrüd Hümbətova qalmaqallı açıqlamaları ilə gündəmə gəlib.
Hurriyyet.Az Musavat.com-a istinadla xəbər verir ki, “Tarixin bir günü” verilişində qonaq olan Zümrüd Hümbətova bacısının yasında hansı səbəbdən iştirak etmədiyini açıqlayıb.
“Aygün Bəylərin ilində qəbir üstünə getmişdim. Amma məni yasına buraxmamışdılar. Dedilər ki, gəlmə. Mən də getmədim, sadəcə biabırçılıq olmasın deyə. Çünki camaatın çoxu görüntüyə görə qınayır, amma insanların baş verən hadisələrdən xəbəri olmur. Hər cür söz deyirlər, amma mən Allaha sığınıram.
Canan (Aygün Bəylərin qızı) mənim bacımın yadigarıdır. Nə vaxtsa evimə gəlsə, qapım onun üzünə açıqdır".
