Təlimlərin Polşa sərhədinə yaxın ərazilərdə keçirilməsi Varşavada təhlükəsizliklə bağlı narahatlıqları artırıb. (Globalinfo.az)
Ajans.az xəbər verir ki, bu barədə ölkənin daxili işlər naziri Marçin Kervinski sosial şəbəkə hesabında açıqlama yayıb. Nazirin sözlərinə görə, sərhəd-keçid məntəqələrinin tamamilə bağlanması barədə qərar Baş nazir Donald Tuskun göstərişi əsasında qəbul edilib: “Keçidlər yalnız o zaman açılacaq ki, biz Polşa vətəndaşları üçün heç bir təhlükə olmadığına 100 faiz əmin olaq”. Məlumata görə, sərhədin sentyabrın 12-nə keçən gecə bağlanması planlaşdırılır. Qərara dəmir yolu üzərindəki sərhəd-keçid məntəqələri də daxildir. Baş nazir Donald Tusk daha əvvəl bildirmişdi ki, bu addım Belarus və Rusiyanın “Qərb-2025” adlı birgə hərbi təlimləri ilə əlaqədar atılıb.
