“Orqanik, sağlam və keyfiyyətli məhsullar” şüarı ilə qurulan və uzun illər Türkiyənin nəhəng marketlər şəbəkəsi BİM-in tərkibində fəaliyyət göstərən File Market, bir neçə ay əvvəl alınan qərarla BİM-dən ayrılaraq ayrıca şirkət kimi fəaliyyətə başlamışdı.
Son dövrlərdə bir çox filialında nağd ödəniş seçimini ləğv edən, plastik torba xidmətini dayandıraraq müştərilərin narazılığına səbəb olan şirkət, indi də ödəniş üsulu ilə bağlı yeni qərarı ilə gündəmdədir.
Bank kartı ilə ödənişə qadağa
File Marketin mobil tətbiqi vasitəsilə minlərlə onlayn sifariş həyata keçirilir. Lakin şirkətin yeni qaydasına görə, banka kartı ilə ödəniş imkanı dayandırılıb. Artıq müştərilərin ekranında belə xəbərdarlıq çıxır:
“Debit/Maaş kartı ilə alış-veriş etmək mümkün deyil! Yalnız kredit kartı ilə ödəniş qəbul olunur.”
Bu qərar müştərilərin ciddi etirazına səbəb olub.
Qərar BİM-ə də şamil edilə bilər
Rəsmi olaraq ayrıca şirkət olsa da, həm File Market, həm də BİM-in sahibi Merkez Bereket Gıda A.Ş olaraq qalır. Bu səbəbdən, alınan qərarın gələcəkdə BİM-in onlayn alış-veriş platformasında da tətbiq ediləcəyi istisna olunmur.
Şirkətdən açıqlama
Məsələ gündəmə gəldikdən sonra File Market rəsmi açıqlama yayıb:
Onlayn sifarişlərdə çəkilərək hazırlanan məhsulların dəyərinin əvvəlcədən dəqiq bilinmədiyini, buna görə provizion (ön otorizasiya) sistemindən istifadə olunduğunu,
Kredit kartlarının bu prosesi texniki olaraq problemsiz dəstəklədiyini, lakin banka kartlarında gecikmə və problemlər yarandığını,
Bu səbəbdən yalnız onlayn alış-verişdə kredit kartı ilə ödənişin qəbul edildiyini, mağazalardan edilən fiziki alış-verişlərdə isə bütün bank kartlarının keçərli olduğunu bildirib.
Şirkət əlavə edib ki, bu qayda Mayıs 2021-dən etibarən qüvvədədir və sadəcə File Marketə aid deyil, digər onlayn ərzaq platformalarında da geniş tətbiq edilir.
Vüsal
