“Məni ən çox maraqlanıran U-21-ə üzv olan futbolçuların Fernandu Santuşun planlarına nə dərəcədə daxil olmasıdır”.
Bu sözləri Sportinfo.az-a açıqlamasında gənclər yığmasının baş məşqçisi Ayxan Abbasov deyib.
Altı aya yaxındır U-21-i çalışdıran mütəxəssis əsas millinin sükanı arxasında dayanan Fernando Santuşla müzakirələr apardığını söyləyib:
“Bir neçə dəfə danışmışıq. Bu barədə ona suallar verirəm.
Sağ olsun, özü də söhbət etməkdə, müzakirə aparmaqda maraqlıdır. Tək Santuşla yox, U-19-un baş məşqçisi Elxan Abdullavlə, texniki direktor Cahangir Həsənzadə ilə də fikir mübadiləsi aparırıq.
Çünki U-17 ilə U-19-un hazırkı üzvləri yaxın gələcəkdə U-21-in futbolçuları olacaq. İşdən danışırıqsa, sistematik əlaqələr mütləqdir”.
